TECNOPOSTUREO

Saíu estes días unha noticia sobre o que os españois din saber sobre tecnoloxía e o que realmente saben. Curiosamente os termos que máis "usamos" sen saber o seu significado son: STREAMING, NUBE, WEARABLE.

- STREAMING: En poucas palabras, refírese a utilizar un contido (normalmente reproducir un arquivo cun contido audiovisual) directamente desde a site que a contén, sen necesidade de descargalo por completo.
- NUBE: pódese substituír ao falar por "almacenamento remoto", ou on-line; en vez de gardar a información nun dispositivo físico que nós poidamos mover gardámolo en memorias do servidor do servizo web (pode ser, simplemente, gardalo no noso correo electrónico, aínda que hai 'nubes' máis específicas, como Dropbox).
- WEARABLE: literalmente, "vestible"; trátase de dispositivos informáticos "encaixados" nunha prenda de uso xeral, como un reloxo (smartwatches), unhas lentes (Google Glass), etc.
Se queredes información máis completa utilizade as ligazóns.

SOBRE OS TIPOS DE MEMORIA...

...cando queremos comprar un dispositivo, nesta noticia de El País.

CREATIVE COMMONS

Se queremos utilizar un fondo musical sin necesidade de preocuparnos por dereitos de autor deberíamos utilizar alguna gravación de Creative Commons. Eis unha ligazón para que coñezades de que vai, e outra máis da Wikipedia.

SOBRE AS COOKIES E A CACHÉ

O xornal El País de hoxe, na súa edición dixital, enlaza con esta información que pode ser interesante para saber que son as cookies para o bo e para o malo...

Hai xente que, en ocasións, confunde as cookies coa caché. Mirado de certo punto de vista teñen que ver, pero non son a mesma cousa nin de lonxe. Unha vez que xa vistes o que son as cookies, mirade aquí que é a memoria caché e deduciredes facilmente as diferenzas entre elas.

Acabar co acoso escolar...

No xornal La Voz de onte cóntannos como o traballaron en Finlandia, que é a referencia máis usada en Educación. De todos xeitos, non sempre é acertado tratar un can como un crocodilo, porque pode que fiques sen man se pretendes aloumiñarlle o lombo.
Further information...
E dúas referencias máis completas en español:
- De El Semanal
- Do ABC 
Se aínda queredes ver máis referencias, buscádeas aquí (as de Spain, loxicamente).

UN POUCO DE SEGURIDADE

Aí fican algunhas entradas sobre seguridade na Rede:
Esta primeira fala sobre o phishing (suplantación da identidade) e como protexernos del. Aquí esténdense un pouco máis explicando os distintos tipos de trucos que utilizan para roubarnos a identidade. Neste senso é importante ten un contrasinal seguro; xa demos indicacións nas fotocopias e na clase para conseguilo. Nesta noticia fálannos dos constrasinais máis usados, que é un pouco falarnos tamén de erros graves que se comete ao establecer un contrasinal. Aínda que hai leis para protexernos, non semellan suficientemente efectivas.
Ter un contrasinal non seguro, ademais de facilitar o roubo de datos para phishing ou con outras intencións, pode facer máis doado o contaxio ou as consecuencias de ser contaxiados por virus. Boa maneira de evitar os virus é navegar por páxinas de confianza e posuír un bo antivirus actualizado. Se cadra non tedes demasiado claro se antivirus e cortalumes son o mesmo, velaí tedes información sobre similitudes e diferenzas entre antivirus e cortalumes.
E, xa que falamos de virus e antivirus, póñovos tamén estoutra ligazón para que vos fagades unha idea dos distintos tipos de virus que andan por aí.
Outro risco posible relacionado coa nosa seguridade e internet ten que ver co uso remoto da nosa webcam; xa vos falei do truco de tapala. Aquí fálannos un pouco sobre os motivos, aínda que hai moito máis que contar. Nesta outra nos falan máis polo miúdo, a partir dun caso concreto para se referiren ao asunto máis en xeral.