Microprocesador QuadCore de 1.5GHz = Microprocesador de 6GHz?

A resposta é non.
A explicación rápida pasa por que recordedes os diagramas de frechas e de operacións e tempos de 2º: ao repartir o traballo, había veces que un traballador tiña que esperar polo que estaba a facer outro para poder empezar co seu seguinte traballo. Deste xeito, un traballo que feito por un traballador levaba un total de 60 minutos, dependendo de como se puidese repartir, igual acababan facéndoo en 45 minutos ou en 36, pero nunca por debaixo do tempo da "cadea principal", lembrades?
Cos núcleos dos microprocesadores pasa algo parecido: para facer un traballo teñen que repartirse as operacións para ir facendo cada un a súa (traballando EN PARALELO) pero normalmente os traballos globais non se poden dividir en operacións individuais que tarden en facer o mesmo tempo e que poidan facer en calquera momento cada un dos núcleos, senón que van ter tempos de espera por traballos que aínda non terminaron algúns dos outros núcleos e as operacións que fan os distintos núcleos teñen distinta complexidade, polo que duran distinto tempo e uns núcleos teñen que esperar por outros.
Unha explicación máis completa tédela en Xataka. Xa vedes que non son o único que utiliza o exemplo da tortilla de patacas para explicar este tipo de cousas... plaxio!!!

TECLAS DE FUNCIÓN EN GOOGLE CHROME

Non se trata de coñecer todos os programas e todas as súas peculiaridades, pero hai tres ou catro cousas moi útiles que convén saber, como por exemplo para que serven as teclas de función. No Google Chrome:

> F1    ao pulsala abre unha nova lapela, a de Axuda do Chrome. Unha vez aberta, podemos usala como unha lapela calquera.

> F3    ao pulsala abre un cadro de diálogo debaixo da barra de dirección, á dereita. Se escribimos directamente nel unha palabra resáltanola na páxina nos lugares en que aparece.

> F5    ao pulsala actualiza a páxina

> F6    ao pulsala selecciona a URL da páxina na que estamos. Se escribimos sobre ela, directamente faremos a procura en Google (ou no buscador predeterminado) ou iremos á páxina que escribamos.

> F10  ao pulsala resalta o cadro de opcións (arriba, a dereita). Se pulsamos “intro” ábrese o cadro, e co cursor (arriba/abaixo) ou pulsando a tecla específica accedemos a algunha delas. Por exemplo, para pechar Chrome desde o teclado podemos facer: F10 – INTRO – S (se o temos en español, en inglés sería X en vez de S)

> F11  ao pulsala abre o modo de pantalla completa: vemos só a web en si, non controis nin barras nin nada, só a web. Incluso adoita desaparecer a barra inferior.

> F12  ao pulsala abre nun lateral asuntos sobre a configuración da web, as “tripas”. Ao noso nivel podemos pasar delas.

Se cadra algún pensa: "estas utilidades das teclas de función ¿son as mesmas noutros navegadores como Firefox, Explorer, Edge, Safari, Opera ou...?". 

A resposta é...

DOCUMENTARIOS SOBRE REDES SOCIAIS

Aínda que intentei collelos da web de RTVE, ao final tiven que recurrir a Youtube. Os dous tratan sobre Facebook, pero todo o que contan é aplicable a calqueroutra rede social (Twitter, Tuenti, Instagram, etc.). Ademais, nos medios de comunicación non paran de saír noticias nas que nos falan como comentarios das persoas nas redes sociais ou asuntos que puxeron nelas lles acabaron traendo problemas. As redes sociais están ben, pero hai que saber usalas.
DISPARATES DE FACEBOOK  en Youtube
DIARIO DE FACEBOOK en Youtube

TRUCOS PARA BUSCAR INFORMACIÓN EN INTERNET

Como sabedes, á maioría de vós non se vos dá moi ben procurar información en internet. De feito, o informe PISA (oh, informe PISA!) detectou iso mesmo hai pouco.
Para as procuras en internet, desconfiade en principio da información dos blogs (calquera pode ter un e decir que é cirurxián ou enxeñeiro aeroespacial, e non ser certo). É preferible acudir a medios de comunicación profesionais, como xornais, radios ou televisións e aínda, dentro deles, aos especializados (en saúde, informática, automoción, etc., que se supón que dominan máis especificamente o tema). De todas maneiras, tamén neles pode haber información errónea; por iso é bo sempre consultar máis dunha fonte fiable (o ideal, polo menos, serían tres que non sacasen a información -á súa vez- da mesma fonte).

Sobre a fiabilidade das fontes en internet podedes seguir esta ligazón.
Hai algúns termos de busca (por exemplo, "honcode" para saúde -ver entrada de tecnocesures-) que valen para dirixirnos a lugares con información cuxa calidade está garantida. Se sabemos eses termos de busca, convén utilizalos para non dar por boa información que non o é.
Para buscar en Google hai unha serie de trucos que poden interesarvos. Hai diversas webs en internet a conta disto, que dan unha serie de consellos similares pero un pouco diferentes, en ocasións. A nós válenos cos que nos contan na web de Europa Press.

Dentro deles, os máis importantes son estes tres:
> Como nos indican, un dos trucos principais é a utilización das aspas ("") para buscar: se non as usamos, o buscador vai ofrecernos resultados que conteñan calquera das palabras da busca, pero se as usamos vai ofrecernos as que conteñen todas as palabras e nesa orde. Por exemplo, se escribimos sen aspas NON VAIAS A CLASE obtemos estes resultados na busca, se escribimos entre aspas "NON VAIAS A CLASE" obtemos estes outros resultados. É decir, escribir as palabras exactas entre aspas xa nos vai dar uns resultados de busca máis dirixidos ao que procuramos.

> Outro dos máis útiles é buscar só un tipo de arquivos determinado, escribindo "ext:doc" ou "filetype:pdf" despois dos termos de busca.

> Tamén é moi útil restrinxir a busca a un sitio web en concreto. Por exemplo, se queremos información sobre o paro en Galicia pero só queremos resultados da web de Faro de Vigo poderíamos escribir "paro Galicia site:farodevigo.es"

PCniús nº1

P.C. niús

QUE PARTES TEN UN COMPUTADOR?
A C.P.U., ESA GRANDE DESCOÑECIDA			PERIFÉRICOS: DE ENTRADA? DE SAÍDA? TANTO TEN?
PLACA BASE? PERO DE QUE FALAS?	“POWER SOURCE” NON É "FONTE DE PODER"	SEN MICROPROCESADOR NON HAI COMPUTADORA…
	TARXETA GRÁFICA, DE AUDIO, DE REDE...		RAM E ROM NON SON O MESMO!!!
Non vai moita calor aquí?

CARACTERÍSTICAS BÁSICAS DUN COMPUTADOR

Sen procurar moito encontrei información interesante:
* un pdf que fala exactamente das características básicas que ten un computador.
* un blog que nos fala dos distintos tipos de computadores e das súas catacterísticas pincipais.
* un curso on-line que trata de informática en xeral. Ten bastante publicidade polo medio, pero se imos andar en Internet hai que aprender a pasar dela.

APUNTAMENTOS

Eis o link para o pdf imprimible cuns posibles apuntamentos de referencia para a materia de Informática. Que ninguén os imprima aínda. Se queredes ir lendo algo sobre o tema case é mellor que empecedes botándolle unha ollada ao que escribiron en El Rincón del Vago. Del mago no, del vago.
E se alguén non ten aínda bastante, máis información.